EUSKAL PILOTAK JAKINGURA PIZTU JAPONIAN

2019-03-22

Antropologiako katedradun japoniarra den Taketani Kazuyuki Asegarceko ordezkariekin elkarrizketatu da aste honetan bertoko kirolak bultzatzeko politikei buruzko lan baterako datuak biltzeko. Japoniako gobernuak lan hau Kobe hiriko unibertsitateko katedratiko honi enkargatu dio kirol etnikoak nola garatzen diren aztertzeko eta beraren esanetan, euskalpilota munduko aurreratuenetarikoa omen da egungo denboretara erraz egokitu dena hain zuzen ere.

Elkarrizketan zehar Kazuyuki jaunak hainbat gaitaz galdetu zuen hala nola, pilotaren zabaltzea, publizitatea, pilotariaren gizarte-laneko egoeraren bilakaera, erakundeekiko harremanak eta orokorrean , euskalpilota bere jaio-ispiritua galdu gabe nola hobetu den argitzeko bestelako gauzetaz.

Kazetari japoniarrak Labriten

Bestalde, datorren igandean Labrit pilotalekuan Japoniako Versus izeneko aldizkariko Nobuyuki Yokoi erredaktorea eta Tomohiko Suzui argazkilaria izango dira Olaizola I.a-Zearra eta Olaizola II.a-Otxandorenaren arteko partiduaren informazioa biltzeko.
Hartutako datu eta irudi guztiekin aldizkariak argitaratuko duen euskal kulturari buruzko erreportai batetarako erabiliko dira.