ESTADISTIKAK OLAIZOLA ETA OTXANDORENAREN ALDE

2019-03-22

Olaizola II.a eta Otxandorena faborito garbiak azaltzen dira gaurko Iruñako partidurako. Estadistikek hala diote eta batez ere Otxandorenaren kasuan, Lasaren kontra indarrak neurtu dituen lau partiduetatik Oronoztarrak denetan atera baita garaile. Aurrekaldean aldiz, oreka da nagusi, hots, Olaizola II.a eta Xalak bina dituzte.

Datu bitxia aipatu behar da: 2003-04ko denboralditik hona hauxe izango da bikote hauen estraineko neurketa. Eta zenbakiekin jarraituz zera azpimarra daiteke: Olaizola II. eta Otxandorena bikoteak jokatutako hamabi partiduetatik hamaika irabazi dituzte. Xala eta Lasa III.a berriz, hamar lehia burutu dituzte eta hiru baino ez dituzte bere aldera ekarri.
Olaizola II.a eta Otxandorenak Aspeko bikoteen aurkako partidu guztiak irabazi dituzte. Xala eta Lasa III.aren kasuan Asegarcekoen kontrako hiru partiduetan galtzaile geratu dira.

Hauexek Asegarceko bikotearen aldeko zenbakiok. Ea gaur Labriten jarraipena duten.