• Baiko Pilotak aurkeztu dituen lau bikoteak: Olaizola II-Rezusta, Artola-Aranguren, Urrutikoetxea-Imaz eta Peña II-Albisu
• Aspe ordezkatuko duten lau bikoteak: Altuna III-Mariezkurrena II, Jaka-Martija, Ezkurdia-Ladis Galarza eta Elezkano II-Zabaleta
Bilbo, 2020ko abenduaren 29a
Txapelketan parte hartuko duten 8 bikoteak bertan izan dira. Enpresa bakoitzeko zortzi pilotari. Baiko Pilotak bere koadroko zortzi pilotari hauek aukeratu ditu txapela lortzeko asmoarekin Olaizola II-Rezusta, Artola-Aranguren, Urrutikoetxea-Imaz eta Peña II-Albisu. Helburu berarekin, ASPE Pelotak Altuna III-Mariezkurrena II, Jaka-Martija, Ezkurdia-Ladis Galarza eta Elezkano II-Zabaleta aurkeztu ditu.
Ostiral honetan Eibarren hasi eta maiatzera bitartean luzatuko da Eskuz Binakako EPEL 2021 Txapelketa. Jai egunik egon ezik, lau pilota jaialdi izango dira astebururo ostiraletik astelehenera bitartean.
Zazpi jardunaldiko bi itzuli, orotara hamalau jardunaldi jokatuko dituzte pilotariek sailkapen ligaxkan. Bi bikote onenak zuzenean sailkatuko dira finalerdietako ligaxkara eta hirugarren eta seigarren postuen artean sailkatuek playoffak jokatu beharko dituzte aurrera egin ahal izateko.
Final handia Bizkaia Frontoian izango da maiatzaren 9an, igandean.