Eskirozek Mariezkurrena II.a ordezkatuko du berriro Binakako Txapelketan

2024-02-02

Mariezkurrena II.ak min du oraindik ere eskuin eskuan, eta Eskirozek ordezkatuko du Berriozarkoa igandean Atano III.ean.

Mariezkurrena II.ak atzo egin zuen proba igandeko partidara iritsi zitekeen ikusteko, baina gaur goizean, oraindik eskua minduta duela eta, asteburu honetan ez jokatzea erabaki du.

Eskirozek joan den larunbatean ordezkatu zuen Mariezkurrena II.a Labriten, eta oraingoan ere bera izango da Jakarekin bikotea osatuko duena, Donostiako Atano III.ean Zabala-Martijaren aurka jokatzeko.