DENA PREST BINAKAKO TXAPELKETA HASTEKO

Bihar, asteartea, 2006ko Binakako Txapelketak badu lehenengo hitzordua Tolosan eta Logroñon pilota aukeraketa egiteko.
Arratsaldeko 17:30 etan Tolosako Beotibarren, Aspeko Xala eta Goñi III.a eta Asegarceko Olaizola I.a eta Otxandorena bikoteek datorren ostegunean, Errege bezperan, izango den lehiarako pilotak bereiziko dituzte. Binakako Txapelketa irekiko den partida hau 16:30tik aurrera izango da.
Beste aldetik, Patxi Ruiz eta Bengoetxea VI.a Titin III.a eta Pascualekin elkartuko dira Logroñoko Adarraga pilotalekuan goizeko 11:30etan, hurrengo larunbatean, hilak 7, frontoi horretan jokatuko den Binakako Txapelketaren partidan erabiliko dituzten pilotak bereizteko.

DENA PREST BINAKAKO TXAPELKETA HASTEKO

2019-03-22

Azken albisteak

2024-10-09

Lasok Bilbon hasiko du larunbat honetan 4 1/2 Eusko Label Txapelketako bere bidea

Lasok Salaberria izango du aurkari larunbat honetan Bizkaia Frontoian, 4 1/2 Eusko Label Txapelketako final-zortzirenetan. Eskiroz vs Alberdi II.ak irekiko dute jaialdia 4 1/2 Serie B Txapelketako kanporaketarekin, eta Agirre-Ugartemendia eta Bakaikoa-Morgaetxebarriaren arteko hirugarren partida batek itxiko du arratsaldea Bilbon. Astelehenean, Elordi eta Zabala neurtuko dira Tolosan.

Gehiago

2024-10-08

4 1/2 Eusko Label Txapelketako final-zortzirenak hasiko dira Agoitzen ostiralean

Urrutikoetxeak eta Zubizarreta III.ak 4 1/2 Eusko Label Txapelketako final-zortzirenetako lehenengo kanporaketa jokatuko dute ostiral honetan Agoitzen. Igandean, Lekunberrin jokatuko dute Ezkurdiak eta Artolak.

Gehiago