DE FRONTÓN EN FRONTÓN VILLAMEDIANA DE IREGUAN

2019-05-09

Gaur arratsaldean pilotazalek hiru hitzordu dauzkate pilotarekin: Bi Nafarroan izango dira eta bestea Errioxan.
Errioxako Villamediana de Ireguan jokatuko den jaialdia, Arbizu eta Mendizabalen arteko lau t’erdiko partidu batekin, zazpi t’erdietan, hasiko da eta jarraian Agirre-Rai eta Beloki II.a-Pinedo aurrez aurre egongo dira binaka lehiaketan. Jaialdi hau Castilla-leonen, Errioxan eta Euskal Herrian, Vocento taldeak dauzkan bertako telebistetan ikusiko da.
Nafarroan jokatuko diren jaialdiak, Altsasun eta Beriainen izango dira. Altsasuko Burunda pilotalekuan 18etan hasiko den jaialdian, Tirapuk-Beobidek eta Diazek-Beginok lehenengo lehiaketa jokatuko dute. Partidu nagusian, Unanuek eta Patxi Ruizek Olaizola I.arekin eta Mendizabal II.arekin indarrak neurtuko dituzte. Beriaingo jaialdia ordu erdi bat beranduago hasiko da, eta hauek dira osatzen duten norgehiagokak: Koka-Eskudero vs Esain-Albizuri eta Berasaluze VIII.a-Otxandorena vs Retegi Bi Peñagarikano.