• Olaizola-Zabaleta, Jaka-Tolosa, Peña II-Rezusta, Urrutikoetxea-Martija, Altuna III-Aranguren, Ezkurdia-Imaz, Elezkano II-Mariezkurrena II, P.Etxeberria-Albisu izango dira udako txapelketa hau jokatuko duten bikote mistoak
• CaixaBank Mastersa ostiralean hasiko da Zaldibarren Olaizola II-Zabaleta vs Jaka-Tolosa partidarekin, eta irailaren 19an emango zaio amaiera Ogetan jokatuko den finalarekin
Vitoria-Gasteiz, 2021eko uztailaren 12a
CaixaBank Mastersean parte hartuko duten zortzi bikoteak bertan izan dira. Enpresa bakoitzeko zortzi pilotari izango dira, eta bikoteak mistoak izango dira, aurreko edizioan bezala.
Caixabankeko Mastersaren aurkezpenean parte hartu dute Unai Iglesias Baiko enpresako zuzendari komertzialak; Inaxio Errandonea, Aspeko zuzendari komertzialak; Gorka Arana, CaixaBankeko Banca Retaileko iparraldeko zuzendari komertzialak; eta Livia Lopez Gasteizko Udaleko Kirol zinegotziak.
CaixaBank Mastersa ostiral honetan hasiko da Zaldibarren eta irailaren 19ra arte luzatuko da.
Eskuarki lau pilota jaialdi izango dira astebururo. Pilotariek zazpi jardunaldiko itzuli bakarra jokatuko dute sailkapen ligan eta lehen bi bikoteak zuzenean sailkatuko dira finalerdietarako. Hirugarren eta seigarren postuen artean sailkatutakoek playoffak jokatuko dituzte.
Gasteizko Ogeta pilotalekuan jokatuko da CaixaBank Masterseko final handia irailaren 19an.