BINAKAKO ITZULIKO PARTIDAK BADAUZKATE ESKENATOKIAK

2019/03/22

Asteburu honetan Binakako txapelketaren final-laurdenetako itzuliko partidak jokatuko dira eta lau partida hauetako eskenatokiak badaude jarrita. Hitzordu hau erabakigarria da lehian dauden zortzi bikoteenetariko baten bat txapelketatik at gera litekeelako.
Ostiralean, Gernika eta Urdulizen izango dira hitzorduak. Gernikan Bengoetxea VI.ak eta Patxi Ruizek finalerako pasea lortzeko, eta bide batez Titin III.a eta Pascual txapelketaren kanpo uzteko garaipenaren bila jokatuko dute. Bere aldetik, Urdulizen, Gonzalezek eta Lasa III.ak Olaizola I eta Otxandorena gailentzen saiatuko dira berdinketa hausteko partidaren bila.
Hirugarren partida larunbatean Iruñan jokatuko da. Labrit pilotalekuan Kokak eta Belokik, Mtez. de Irujo eta Eulateri irabazi beharko diete txapelketan jarraitu nahi badute.
Azkeneko partida igandean Bergaran izango da, bertan lehenengo partida irabazi zuten banakako txapelduna eta Oier Zearra alde batetik eta Xala eta Goñi III.a bestetik aurrez aurre egongo dira.