Gaurko lehenengo orduetan Olaizola II.ak pairatu duen gastroenteritisa dela eta, MIkel Beroiz bakarrik agertu da Bizkaia frontoian datorren larunbatean,Goizuetako aurrelariak lagun izango duela, Gonzalez eta Barriolaren aurkako partidarako pilotak aukeratzeko.
Barriola ere egoera berdinean egon da, izan ere, Gonzalezen senitartekoak sukarrak jota daude.
Hautaketa bukatu eta gero, pilotariek kazetariei erantzun diete eta atxikita dagoen bideoan Asegarceko pilotariaren adierazpenak ikus daitezke.
Olaizola II.a-Beroiz: 104,2-104,6-105,9 g.
Gonzalez-Barriola: 104,5-104,5-105,7 g.
Irunen ere bai
Bestaldetik, arratsaldean, Irungo Uranzu pilotalekuan, Titin II.a-Merino II.ak eta Bengoetxea VI.a-Apraizek bat egin dute ostiral honetan lkarren aurka jokatuko duten partidarako pilotak aukeratzeko.
Gorriek 105,1-104,4 eta 104,9 gramoko pilotak aukeratu dituzte eta urdinek aldiz, 106,1-105,7 eta 105,5koak bereiztu dituzte.