BERASALUZE VIII.AK “LASAI JOKATZEN ARI GARA PARTIDUETAN”

2019-03-22

Titin III.a-Merino II.a eta Berasaluze VIII.a-Albisu Bizkaia frontoian egon dira eguerdian, datorren igandean jokatuko duten Euskadi Goza ezazu Binakako Txapelketako finalaurdenetako partidarako pilotak aukeratzen.

Hautaketa bukatu ondoren, prentsaurrekoan egon dira pilotariak, eta behean atxikirik dagoen elebibidun bideoan, Asegarceko bikotearen adierazpenak ikus daitezke.

Titin III-Merino II: 104-104-104,4 g.
Berasaluze VIII-Albisu: 105,8-106,5-105,3 g.

Pilota aukeraketa Tolosan

Arretxe II.a-Beginok eta Aritz Lasa-Zubietak bat egin dute arratsaldean Tolosako Beotibar pilotalekuan, datorren astelehenean jokatuko duten Euskadi Goza ezazu Binakako Txapelketako finalaurdenetako partidarako pilotak aukeratzeko.

Asegarceko bikotekideek 106,6, 106,3 eta 106,7 gramoko pilotak hartu dituzte eta Aspekoek aldiz, 105,7, 105,2 eta 104,3koak bereiztu dituzte.