BERASALUZE VIII.A ETA APRAIZEN ERAKUSTALDIA LIZARRAN

2019-03-22

Berasaluze VIIII.ak eta Apraizek Euskadi Goza ezazu Binakako Txapelketako final laurdenetako ligako beren hirugarren puntoa lortu dute Lizarrako Remontival pilotalekuan jokaturiko partiduan Mtz. de Irujo eta Merino II.a 7-22 emaitzaz menderatuta.

Bizkaitarrek txapelketa honetan gorenera hel daitezkela argi rakutsi dute eta partiduan lorturiko emaitzak adierazten duenez, garbi dago lehiaketa hasi zenetik joko gero eta hobeagoa egiten ari direla.

Apraizek partidu aparta egin du: pilota ondo astinduz Merino II.a erabat menderatuta eduki du eta horretaz gainera lagunari ondo baino hobeto zaindu dio bizkarra. Gernikarrak bi tanto eskuratu ditu, bat errebotez.

Alexisen nagusitasunak Pabloren erakustaldia ekarri du. Berriztarrak paradak, gantxoak eta dejaden bidez 12 tanto gauzatu ditu Mtz. de Irujoren gainetik pasatuz eta Remotival frontoian bildutako pilotazaleak disfrutaraziz.