BERASALUZE VII.AK AHO HORTZ BETE UZTEN DU ATANO III.AEKO PUBLIKOA

2019/03/22

Pablo Berasaluzek eta Aritz Beginok Donostia Hiria torneoaren finalerako Asegarceko plenoa lortu dute emozioz gainezka izan duen partida ederraz Atano III.an bildutako publikoak ederto gozaraziz.
Partidua bukatuta pilotazaleek zutik eta txalo zaparrada hunkigarriaz agurtu dute Berrizko pilotaria.
Pablok Mtz. de Irujori kalte handia egin dio txokoan egindako paraden bidez pilota ederki ezkutatuz eta gantxuetan ere tanto mordoska lortu du.

Mtz. de Irujoren airea kentzen ahaleginetan pilota batzu joan zaizkio Beginori baina hiru tantu ere lortu du horietako bat dejada eder batez.
Laskurainek ondo jokatu du, Beginori ederki eutsiz.

Gauzak horrela torneoaren finala Asegarceko bi bikoteek jokatuko dute:
Bengoetxea VI-Patxi Ruiz eta Berasaluze VIII-Begino.