BENGOETXEA VI: “TITIN EDADETUA DA BAINA ORAINDIK BIZKOR ETA ARRISKUTSUA DA OSO”

2019-03-22

Oinatz Bengoetxea beti bezala umoretsu azaldu da Labriten egindako pilota aukerakeran. Titinen kontrako partidarako azpitik azkar doazen pilotak bereiztu ditu eta eskubiko hatzean ez du inolako arazorik partida jokatzeko. Oraindik ez du pilota ikutu eta bihar Leitzan, herriko frontoian, hasiko da pilotan poliki-poliki.
Titinen pilotak, bat Ciprirena da eta bestea Punparena. Bote pixka bat gehiagokoak omen dira.

Dena ondo partidaren aurrean

Oinatz pozik azaltzen da neurketaren aurrean “Ni pozik nago. Aurreko bi partidak irabazi ditut eta orain finalaurdenetan sartuta Titinen kontra jokatzea maila ona da niretzat. Eskubia ondo daukat. Astearen hasieran beldur pixka bat nintzen baina ondo joan da eta orain inolako arazorik gabe jokatuko dut”.

Aurkaria zaharra denentz galdetuta honelaxe mintzatzen zitzaigun leitzarra “Titin edadetua da baina oraindik bizkor eta arriskutsua da oso. Edozein momentutan sar diezazuke tantua eta bere airezko jokua izugarria da. Nik joku hori zapuzten saiatuko naiz ezker hormara txapagainekoak botaz”.

Titin III: 106,3-104,5 gramo.
Bengoetxea VI: 104-105,1 gramo.