Bengoetxea VI-Martijak finalerdietako azken txartela eskuratu dute (22-20)

2020/09/15

Nafarren garaipenak erabakita utzi ditu CaixaBank Masterseko finalerdiak. Bikote bakarra falta zen laukoa osatzeko eta Villamediana de Ireguako partidak zalantza guztiak argitu ditu. Emaitzak erakusten duen moduan, asko kosta zaie Bengoetxea-Martijari gaurko puntua eskuratzea. Partidaren hasieran aurretik jarri badira ere, Elezkano II-Aretxabaletak partida irauli eta azken unera arte garaipena esku eskura izan dute. Azkenean ordea, Bengoetxea VI.ak eta Martijak, asko sufrituta izan bada ere, irabaztea lortu dute.

Emaitza: Bengoetxea VI-Martija 22-20 Elezkano II-Aretxabaleta
Partidaren iraupena: Ordu 1 eta 26 minutu
Pilotakadak: 829
Gorriek (Bengoetxea VI-Martija): 12 tanto egin dituzte eta 11 galdu
Urdinek (Elezkano II-Aretxabaleta): 9 tanto egin dituzte eta 10 galdu
Lehenengo partida: Dario-Salaverri II 22-17 Zabala Untoria