Bengoetxea VI eta Mariezkurrena II.aren porrota

2020/05/15

LEP.M Binakako Txapelketako lehen faseko ligaxkako seigarren jardunaldia porrotarekin hasi da Baiko bikotearentzat Tolosako Beotibar pilotalekuan. Oinatz Bengoetxeak eta Jon Mariezkurrenak 16 eta 22 galdu dute Erik jakaren eta Jose Javier Zabaletaren aurka.

Partida berdinduta joan da hasieratik eta markagailuan txandakatzeak izan dira, Baiko taldearentzat zein Aspekoentzat. Azken txanpan, ordea, urdinek intentsitatean igo dute eta gorrien bikotea mendean hartzea lortu dute.

Emaitza honekin Aspekoek bosgarren garaipena lortu dute eta sailkapeneko gorenean jarraitzen dute, finalerdietarako txartela lortzeko oso posizio onean. Bestalde, Bengoetxeak eta Mariezkurrenak hirugarren eta seigarren postuen artean egoteko borrokan jarraitu beharko dute, laugarren porrot honekin puntu bakarrarekin geratu baitira.