BENGOETXEA VI.AK ETA BEGINOK ANDRA MARI ZURIA TORNEOKO TXAPELDUNAK IZENDATU DITUZTE BEREN BURUAK

2019/03/22

Bengoetxea VI.a eta Begino Gasteizko Andra Mari Zuria torneoko txapeldunak suertatu dira goiz honetan Ogueta pilotalekuan jokaturiko partiduan Olaizola II.a eta Beroiz (18-22) menderatuta.
Torneoko pilotari onenari saria Beginori eman dio prentsak.

Partidua goi-mailakoa izan da eta gainera oso gogorra, izan ere 81 minutu iraundu ditu eta 888 pilotakadak eman dira.
Hasieran Bengoetxea VI.ak hutsak egin ditu baina bigarren zatian ausart azaldu da Olaizola II.a mugituz.
Aimarrek ez du nahibeste errematatzeko pilotarik izan atzean Begino jaun eta jabe izan delako.
Beroizek, nahiz eta Auzako atzelariaren menpean izan, bere tokia defendatu du.