Bengoetxea eta Aretxabaletaren gutxieneko garaipena

2020/05/15

Bengoetxea VI.ak eta Aretxabaletak joan den asteko sentsazio bera izan dute berriro ere Labriten, baina gaur Lizarran. Oraingoan ez die ihes egin partidak, eta azken tantoa bere alde erori da markagailua 21era berdinduta zegoenean. Partidaren lehen zatian gorriek eroso jokatuko zutela zirudien, baina ez da horrela izan, Lasok eta Albisuk alarma entzun dute eta berriro piztu dira partidan eta azkenean estutasun asko sortu zaizkie gorritxoei garaipena lortzeko. Leitzako aurrelariak 11 tanto egin ditu eta Lasok 12. Partida polita Lizarrako Remontivalen jokatutakoa, giro bikainarekin.

Jardunaldiko beste partidan ere markagailu bera lortu dute Irribarriak eta Rezustak Ezkurdia eta Martijaren aurka.

Bigarren kanporaketa hau irekitzen zuen partida, ostiral gauean Amezketan jokatu zena, Jakak eta Rezustak 22 – 17 irabazi zuten Altuna III.aren eta Ladis Galarzaren aurka.