BELOKI FRONTOIAN ENTRENATZEN HASI DA

2019/03/22

Ruben Belokik frontoian lehen entrenamendua burutu du goizean Tolosako Beotibar pilotalekuan urtarrilaren amaieran eskuin belaunean min hartu zuenetik errehabilitazio lau hilabete eman eta gero.

Bosgarren koadroaren barruan banakako sesio txiki bat jokatu du Burlatako pilotariak Peñagarikanoren aurka Asegarceko kirol zuzendaria den Salvador Bergararen begiradapean. Rubenek mugimenduak, koordinazioa eta pilota jotzea landu du eta asegarce.comen adierazi duenez “belaunari dagokionez sentsazio onak sentitu ditut eta pozik geratu naiz entrenamenduarekin”.

Pilota aukeraketak

Eskuz Banakako Promozio Txapelketan bi aukeraketa gauzatuko dira bihar eta etzi. Lehenengoz Leizak eta Aritz Lasak Beasaingo Antzizar pilotalekuan bat egingo dute ostiraleko partidura begira pilotak hautatzeko.

Eta ostegunean inauguraldia dela eta urdinez azalduko den Zallako Mimetiz pilotalekuan Urrutikoetxeak eta Beroizek larunbatean jokatuko duten partidurako pilotak bereizteari ekingo diote