BEGINOK SU EMAN ZUEN ATZEALDEAN

2019/03/22

Partido ederra Elizondoko Ultzama pilotalekuan Beginok jokaturikoa. Auzako gazte puska berriro ere hasi da aurkarien artean errespetua sortarazten eta gaur Otxandorenari egokitu zaio hori egiaztatzea. Aritzek bost tanto lortu ditu zortzi t´erdira bidalitako pilota baztertuen bidez Oronoz-Mugairiarrak bueltatu ezin ez dituenak hain zuzen ere.

Nahiz eta lau huts egin lan erabakigarria egin du neurketan. Gainera Berasaluze VIII.a lagun emankorra eduki du, izan ere berriztarrak bederatzi puntu eskuratu ditu Bengoetxea VI.aren aurkako lehia ederrean.
Leitzako pilotaria ez da atzean geratu eta zazpi tanto bueltatu zaizkio aurrelari bizkaitarrari.