BEGINO: “PROFESIONALETAN JOKATUKO DUDAN PARTIDURIK ZAILENA IZANGO DA ALTSASUKOA”

2019-03-22

Haritz Beginok handienen artean toki bila darrai eta uda trinkoa darama enpresako atzelariekin indarrak neurtzen. Denetariko emaitzak bildu ditu “Auzako bonbarderoak” baina helmuga garbia da: goi goian kokatu eta bertan eutsi.
Datorren ostegunean aurrean izanen duen aurkaria ez da ahuntzaren gauerdiko eztula Beloki kantxaratuko baita Burunda pilotalekuan. Asegarceko eliteko atzelaria dugu burlatarra eta zalantzarik gabe azterketa gogorra egingo dio Ultzamako atzelariari. Hala eta guztiz ere Haritzek maina hartu omen dio Rubeni uda honetan jokatuko dituzten bi patiduetan garaile atera baita.

Beginok estrategia garbia dauka osteguneko partidurako” Ruben tartean denez partida zaila izanen da. Aztelaririk onenetarikoa da eta irabazteko oso zaila. Ezkerraren bila joango naiz eta aztean mantentzen saiatuko naiz. Uste dut profesionaletan nire partidurik zailena izan daiteke ostegunekoa”.