BARRIOLAK FINALEAN EGOTEKO AUKERARI EUSTEN DIO TITIN III.ARI IRABAZITA

2019/03/22

Labriten jokatutako lehen partidua gogorra oso suertatu da -ordu bete eta hogei minutu- eta markadorean izan diren aldaketek emozioz gainezka jarri dute lehia.
Aurrekaldean Olaizola I.ak eskuz banakako txapeldunari aurre egin dio eta dejada eta hormabikoaz baina Bengoetxea VI.aren trebetasun handiagoak gauzak bere tokian utzi ditu.
Atzelariek ere neurketa gogorrari ekin diote eta nekeak jota geratu dira.

Lau eta Erdiko txapelketako partiduan Titin III.ak ezin izan dizkie bere posibilidadei eutsi baina ohore handiz aritu da partidu osoan zehar. Lehen zatian Barriolak erritmoz jokatu du eta zulo handia gauzatu du markadorean (8-17).
Ondoren errioxarra disfrutatzen hasi da eta presioz askatuta partidu ederra jokatu du (19-21) arerioarengan urduritasuna sortuz.
Leitzako pilotariak honako aukerak ditu finalean sartzeko:
Olaizola II.ak bost tantu edo gutxi egin edo Olaizola II.ak irabazi.