BARRIOLA, LAU ETA ERDIKO TXAPELDUNA

2012-01-31

Abel Barriolak Gasteizko Ogeta pilotalekuan bere lau t’erdiko lehenengo txapela lortzen zuen Patxi Eugiri 10-22 irabazi ondoren.

Leitzarra partidu hasieratik nagusia izan zen eta Agoizkoa bere jokoa egiteko ez zen gai izan.
Abelek abiaduragatik irabazi zion Patxiri. Askoz lehenago sartu zen partiduan eta norabideaz eman zion pilotari. Eugik berriz ezin izan zuen bere arerioen erritmoa jarraitu. Ezkerrarekin ez zuen bere mailan jokatu eta eskuinarekin emateko ez zuen fidantzarik izan.

Lau eta Erdiko finalean 244 pilotakada eman ziren 48 minutuetan.