Aspe enpresak Marco Realeko 1.200 botila irabazi ditu

2019-03-22

Lehendabiziko neurketan, Rico IV.a eta Gorka lehiatu dira lau t´erdietan eta hau izan da Asegarceren garaipen bakarra, izan ere, Ceniceroko pilotaria 22-9 nagusitu da.

Bigarren partidan, binaka, Aspek “play off”a berdindu du Mtz. de Irujok eta Zabaletak, Olaizola II.a eta Beroiz 12-22 irabaziz. Norgehiago honetako protagonista, Zabaleta izan da. Leitzako atzelariak erakustaldia egin du partida osoan zehar Beroizi bizkarra emanez.

Hirugarren lehian, banaka izan dena, nahiz eta Ezkurdiak gailendu, gorriak ikusi ditu, emaitza 7-17 aurretik egon ondoren 18-20 jarri baita Untoria. Erremontada honen gakoa, Naxerako pilotariaren estrategia aldaketa izan da: alde batetik, frontiseko erdialdera pilotakadak ematen hasi, eta hormara itsatsiz; eta beste aldetik, dejada batzuk egin izana.