ASEGARCEKO BIKOTEA SANFERMINETAKO FINALA IRABAZTEKO FABORITOA

2019/03/22

Olazola II.a eta Otxandorena titiluari eusteko ahaleginetan arituko dira nafarroako pilota katedralean. Asegarceko bikoteak Gonzalez eta Lasa III.ak osatzen duten bikoteari aurre egingo dio 2004ko finalaren errepikaldian. Datuak aztertuta pronostikoak Asegarcekoen aldera du joera eta honela izatekotan udako lehenengo torneo handia eskuratuko lukete. Olaizola II.ak, eskupilotan onena, lasai ibiltzeko arrazoi soberan dauka, atzean eskubiko arazoak baztetuta eta udako torneoei neurria hartuta daukan atzelari sendoa du eta.

2004ko finalean Oronoz-Mugairiko pilotaria protagonista garbia izan zen egun horretararte joku itzela erakutsi ari zen Gonzalez ia erabat deuseztatu eta atzean Oskar Lasa erabat menperatuz. Guzti horri eskuz banaka txapelduna bere alboan duela gehitzen badiogu, gaurko finalak uda honetan irabazteko bikotea agerian utz dezake.