ASEGARCEK MARCO REAL-EKO DESAFIOA IRABAZI DU ETA HORREKIN BATERA JOKOAN ZEUDEN 1.200 BOTILA

2019/03/22

Hirugarren partidurarte ez du Asegarcek itxaron egin behar Marco Real desafioa irabazteko, izan ere, eskuz banakako lehendabiziko partiduan Olaetxeak 22-17 irabazi dio Merino I.ari, eta binakako neurketan Berasaluze VIII.a-Begino 22-18 garaitu dituzte Gonzalez eta Laskurain.

Lehen neurketan Olaetxeak bere airezko jokoari atera dio etekina baita behar izan denean botez aritzeari ere.
21-12 egon da irabazten baina aurkariak bere joaz baliatuz markadorea estutu du. Azkenean Merinoren huts batek eman dio garaipena Lizartzako pilotariari.

Binakako partiduan nahiz Berasaluze VIII.a zein Begino ondo aritu dira opari dezente egin arren. Hala eta guztiz ere Pablok lortu dituen 13 tanto erabakigarriak izan dira.