ASEGARCE.COM-EN SAILKAPENEAN GAZTEAK NAGUSI

2019-03-22

Joan den urriaren batean, denboraldi berria hasierarekin batera, asegarce.com-en sailkapena hutsean jarri zen eta ordutik ona Oinatz Bengoetxeak eta Oier Mendizabalek puntuak gehitu dituzte, bakoitzak 547 puntuekin rankinaren buruan kokatzeko.
Sailkapenaren puntuazio-sistema dela eta, pilotariek markagailua eta txapelketa motaren arabera puntuak jasotzen dituzte, horregatik biek nagusitasuna lortzeko lan ezberdina egin behar izan dute. Esate baterako, Mendizabal II.ak 457 puntuak biltzeko 9 partidu jokatu behar izan dituen bitartean Bengoetxea VI.ak lau partiduekin nahiko izan du puntu kopuru berbera lortzeko, haienetariko hiru EPEL-en 1. mailako Lau eta erdiko Txapelketarenak izan direlarik.
Sailkapenaren hirugarren postuan 541 puntuekin Patxi Ruiz dago, baina postu hau larunbatean lau eta erdiko barruan jokatuko den partiduaren amaieran aldatuko da seguru asko, izan ere iazko sailkapeneko txapelduna zen Olaizola II.aren kontra jokatuko baitu Lizarrakoak.
Sailkapen osoa ikusi