Artola-Rezusta CaixaBank Masterseko txapeldunak (9-22)

2020-09-28

Udako bikote mistoen arteko txapelketa amaierara iritsi da gaur arratsaldean Bizkaia Frontoian jokatu duten finalarekin.

Partida paretsu hasi dute bi bikoteek tanto gogor eta ederrekin.
Bazirudien norgehiagoka estu joango zela, baina Artola-Rezusta jokoa atzean kargatzen hasi dira eta markagailuan ihes egitea lortu dute.

Altuna III eta Imaz ezinean ibili dira gaurkoan eta garaipena eta txapela Artolarentzat eta Rezustarentzat izan dira.

Emaitza: Altuna III-Imaz 9-22 Artola-Rezusta

Partidaren iraupena: 59 minutu

Pilotakadak: 529

Gorriek (Altuna III-Imaz): 7 tanto egin dituzte eta 7 galdu

Urdinek (Artola-Rezusta): 15 tanto egin dituzte eta 2 galdu

Lehenengo partida: Elezkano II-Bikuña 22-12 Agirre-Aretxabaleta