Artola eta Rezustaren garaipena igande honetan Labriten (16-22)

2020/07/06

Asteburuko CaixaBank Masterseko Labriteko bigarren jaialdian Olaizola II-Zabaleta eta Artola-Rezusta izan dira aurrez aurre. Giro ona zegoen kanpo aldean eta baita barruan ere. Pilota zaleak pilota partida gosez dira eta frontoiak itxura hobea hartzen hasita daude.

Partidako lehen bi tantoak urdinen aldekoak izan dira, baina kolpean lau tanto eginez aurretik jarri dira Olaizola eta Rezusta (4-2). Hortik aurrera urdinek agindu dute markagailuan, eta 5 tantora arteko aldeak egon diren arren (5-10), bi bikoteak berdinduta iritsi dira lehen atsedenaldira (11-12).

Hortik aurrera, Artolak eta Rezustak gehiago jokatu dute eta aldea 12-20ra arte luzatzea lortu dute. Gorrien azken ahaleginaren ostean, urdinek 16-22ko emaitzarekin itxi dute partida.