Arteaga II.ak Buruz Buruko 2020 Promozio mailako txapela jantzi du Beotibarren (12-22)


2020-11-28

Axier Arteagak Buruz Buruko Promozioko bere bigarren txapela jantzi du gaur arratsaldean Beotibarren, Elordiren aurka, 12-22 irabazi ondoren.
Partidaren erdialdera iritsi bitartean gogotik egin behar izan du lana Lasarte-Oriako aurrelariak baina lehenengo atsedenaldira aurretik iritsi eta gero (10-12), gora egin du Arteaga II.ak eta 11 tanto egin ditu kolpean.
Elordik partida hasiera ona egin baldin badu ere, hamargarren tantotik aurrera ezin asmatuta aritu da eta azkenean beste bi baino ez ditu erdietsi. Azkenean garaipena eta txapela Arteaga II.arentzat.

Emaitza: Elordi 12-22 Arteaga II
Partidaren iraupena: 51 minutu
Pilotakadak: 209
Berdinketak: 1-1, 4-4, 5-5, 6-6, 10-10
Gorriz (Elordi): 8 tanto egin ditu eta 13 galdu
Urdinez (Arteaga II): 9 tanto egin ditu eta 4 galdu
Lehenengo partida: Agirre-Albisu 15-22 P.Etxeberria-Zabaleta
Hirugarren partida: Alberdi-Ibai Zabala 16-18 Salaberria-O.Etxebarria