ARRETXE II.A ETA IBAI ZABALA PROMOZIO TXAPELKETAKO FINALEAN DAUDE JADA

2019/03/22

Arretxe II.ak eta Ibai Zabalak Binakako Promozio Txapelketako finala jokatuko dute gaur arratsaldean Beasaingo Antzizar pilotalekuan Olazabal eta Arruti 22-9 menderatu ostean.

Partiduaren gakoa Ibai Zabalak Arrutiren gainean erakutsitako nagusitasuna izan da. Egoera horri esker Iker Arretxe II.ak erremate sorta galanta jarri du kantxaren gainean eta sake erremateak, paradak eta gantxuak tartekatuz garaipen garbia gauzatu dute.