ARAZORIK EZ IRUÑA ETA DONIBANE LOHIZUNEKO PILOTA AUKERAKETETAN

2019-03-22

Titin III.a-Pascualek eta Bengoetxea VI.a-Otxandorenak pilotak bereiztu dituzte eguerdian Labrit pilotalekuan, larunbat honetan Binakako Txapelketako ligako zazpigarren ihardunaldiari dagokion partidua jokatzeko.

Asegarceko bikotea kanpotatuta dago jadanik baina Oinatzek kazetarien aurrean esan duen bezala “Gu dana irabaztera irtengo gara; nahiz eta txapelketatik at izan ahalik eta puntu gehien lortu nahi ditugu. Gure bikotean gertatutako atzelarien aldaketek ez dute hain garrantzia izan, nik daukadan jokoa atzera ez izana baizik”.

Titin III.a-Pascual: 105,1-104-105,3 gr.
Bengoetxea VI.a-Otxandorena: 104,5-106,6-105,1 gr.

Mugaz bestaldean

Donibane Lohizunen ere hautaketa izan da eta Asegarce zein Aspeko bikoteen aldetik ez da inongo eragozpenik sortu.
Gonzalez eta Laskurainen pilota sorta urdinenena baino zakarragoa omen da.
Ekaitzek eta Alexisek aldiz, frontisetik irteera gehiago dauzkan pilotak aukeratu dituzte.

Gonzalez-Laskurain: 106,6-105,4-105,8 gr.
Saralegi-Apraiz: 106,4-105,8-105,3 gr.