Larunbatean eta igandean Amurrion eta Eibarren jokatuko diren final-zortzirenetako partidei dagokien materiala aukeratu dute gaur goizean.
Bengoetxea VI.a eta Agirre nafarrak Amurrion izan dira. Leitzako aurrelariak 104,8 g-ko (1) eta 104,3 g-ko (2) bi pilota aukeratu ditu. Iruñekoak, aldiz, 105 g-ko (3) eta 104 g-ko (4) pilotak nahiago izan ditu.
Eibarren hitzordu bikoitza izan da igandeko Astelenako jaialdiak final-zortzirenetako bi kanporaketa hartuko baititu. Jaka eta Bakaikoa, batetik, eta Altuna III.a eta Peña II.a, bestetik.
Arratsaldeko lehen partidarako, Jakak 104,1 g-dun (1) eta 104,2 g-dun (2) bi pilota aukeratu ditu; Bakaikoak 104,5 g-duna (3) eta 104,8 g-duna (4) aukeratu ditu.
Altuna III.aren eta Peña II.aren kasuan, Amezketako aurrelariak 105,8 g-ko (1) eta 104,1 g-ko (2) pilota bana hautatu ditu. Tolosarrak 105,1 g-ko (3) eta 104,4 g-ko (4) materiala aukeratu du.