Albisu eta Alberdi II.a lehiaketara itzuliko dira larunbat honetan

2024-01-16

Ataungo atzelariak bikotea osatuko du Peña Il.arekin Binakako Txapelketan, eta Alberdi II.a Binakako Serie B Txapelketan berragertuko da bere lesioa gainditu ondoren.

Jon Ander Albisuk ezin izan zuen joan den larunbatean Markina-Xemeinen jokatu eskuin eskua minduta zuelako. Behin sendatuta, Albisuk Peña II.arekin batera jokatuko du larunbat honetan Durangon Laso-Arangurenen aurka.

Unai Alberdiren kasuan, aurrelari azpeitiarra Aizarnazabalen lesionatu zen Binakako Serie B Txapelketako lehen jardunaldiko partida jokatzen ari zenean. Lesioa gaindituta, Alberdi II.a larunbat honetan berragertuko da Durangon, Binakako Serie B Txapelketako bere partida jokatzeko.