Agirrek Laso ordezkatuko du 2020 Binakako Txapelketan

2020/09/28

Urriaren 3an ekingo diote berriz pandemiaren ondorioz bertan behera geratu zen Binakako Txapelketari. Finalerdietako lehenengo jardunaldia jokatu ondoren geratu zuten txapelketa, hori dela eta beste jardunaldi bi eta finala daude jokatzeke.

Martxoan jokatu zuten aurreneko jardunaldian, Ezkurdiak eta Martijak 22-16 garaitu zituzten Jaka-Albisu. Eta beste norgehiagokan, Olaizola II-Urrutikoetxeak 22-10 irabazi zuten Laso-Albisuren aurka.

Finalerdietako bigarren jardunaldia urriko lehenengo asteburuan jokatuko dute. Larunbatean, urriaren 3an, Jaka-Zabaletak eta Lasoren tokia beteko duen Agirrek eta Albisuk neurtuko dituzte indarrak Bilbon. Eta igandean, urriaren 4an, aurreko jardunaldiko bi bikote garaileak, Olaizola II-Urrutikoetxea eta Ezkurdia-Martija, izango dira aurrez aurre Eibarren.

Finalerdietako hirugarren eta azken jardunaldia urriaren 10ean eta 11n jokatuko da Bilbon eta Tolosan, eta final handia urriaren 18an izango da Bilbon.