4 ½ Eusko Label Txapelketa aurkeztu dute gaur goizean Bilbon

2023-10-03

• Txapelketa ostiral honetan hasiko da Agoitzen, eta azaroaren 19an amaituko da Bizkaia Frontoiko finalarekin

• Artola, Altuna III, Jaka, Elordi, Agirre, Elezkano II, Ezkurdia, Larrazabal, Peña II, P.Etxeberria, Urrutikoetxea eta Salaberria arituko dira nor baino nor txapelaren bila

• Lehiaketa final-zortzirenetan hasiko da, final-laurdenetako liga bat izango du, eta ondoren finalerdiak, kontsolazio finala eta finala jokatuko dituzte

Gaur eguerdian 4 ½ Eusko Label Txapelketa irabazten saiatuko diren 12 protagonistak aurkeztu dituzte Bilboko Bizkaia Frontoian. Baiko Pilotako sei ordezkari eta Aspeko beste sei ahaleginduko dira azaroaren 19ko finalean txapela janzten.

Asteburu honetan bertan jokatuko dira final-zortzirenetako partidak. Ostiralean Artolak eta Agirrek estreinatuko dute lehiaketa Agoitzen. Larunbatean, Laudion, Aretan, Jakak eta Larrazabalek neurtuko dituzte elkarren indarrak. Eta igandean, Tolosako Beotibarrek bi kanporaketa hartuko ditu. Lehenengoan Urrutikoetxeak eta Salaberriak jokatuko dute elkarren aurka, eta bigarrenean, Elezkano II.ak Peña II.ak. 

Asteburuko lau irabazleek Ezkurdia, Altuna III, Elordi eta P.Etxeberria izango dituzte zain final-laurdenetako ligan.

Sarrerak
Jaialdi hauetarako sarrerak entradasfronton atarian eskuratu ahal izango dira.