4 ½ Eusko Label Txapelketa aurkeztu dute gaur goizean Bilbon

2024-10-01

• Txapelketa larunbat honetan hasiko da Zallako eta Ezcarayko kanporaketekin, eta azaroaren 24an amaituko da Bilbon, Bizkaia Frontoiko finalarekin

• Laso, Altuna III, Artola, Zabala, Jaka, Elordi, Urrutikoetxea, Ezkurdia, Peña II eta P.Etxeberria izan dira gaurko aurkezpenean. Txapela irabazten saiatuko diren 12 hautagaien zerrenda osatzeko falta diren beste bi pilotariak, Zallako eta Ezcarayko kanporaketetatik aterako dira

• Asteburu honetako bi kanporaketen ostean, lehiaketak final-zortzirenetan jarraituko du, ondoren final-laurdenetako liga bat izango du, eta gero finalerdiak, kontsolazio finala eta finala jokatuko dituzte

Gaur eguerdian 4 ½ Eusko Label Txapelketa irabazten saiatuko diren protagonistak aurkeztu dituzte Bilboko Bizkaia Frontoian. Baiko Pilotako sei ordezkari eta Aspeko beste sei ahaleginduko dira azaroaren 24ko finalean txapela janzten.

Asteburu honetan bertan Zallan eta Ezcarayn jokatuko dituzten kanporaketek emango diote hasiera txapelketari. Ondoren final zortzirenetako kanporaketak jokatuko dituzte hurrengo asteburuan.

Sarrerak
Jaialdi hauetarako sarrerak entradasfronton atarian eskuratu daitezke.