2021-12-02
Giro ederra espero da larunbatean Lizarran eta igandean Bilbon.
Lizarran apenas geratzen da sarrerarik erosteko Jaka-Mariezkurrena II eta Laso-Imazen arteko Binakako txapelketako partida ikusteko. Horren aurretik, Bakaikoa-Elizegik eta Zubizarreta III-Eskirozek Binakako Promozio txapelketako norgehiagoka jokatuko dute.
Igandean, Bilbon, Pilota Eguna antolatuko dute. 15:00etan hasita, Bizkaiko pilota elkarteetako kideek aukera izango dute frontoian eta trinketean pilotan aritzeko, eta ondoren, pilotari profesionalekin argazkiak atera ahal izango dituzte.
Urrutikoetxea, Aranguren, Peña II, Albisu, Alberdi, Uriondo, Larrazabal eta Salaverri II frontoian izango dira beraien partida jokatu baino lehen gazteekin egoteko.
Egun berezi honek prezio bereziak izango ditu, 25 euro kantxan eta 15 gainontzeko tokietan.
14 urtetik beherakoentzako gonbidapenak doan eskuratu ahal izango dira entradasfronton webgunean, kode honekin: ETORKIZUNEKOPILOTARIAK
Helduek ere kode bera erabili beharko dute entradasfronton web orrialdean, sarrerak prezio berezian eskuratzeko.