GALDU ARREN DEBUT APARTA EGIN DU ESKUZ BANAKAKO TXAPELKETAN ALBISUK

2019/05/09

Nahiz eta 21-22 galdu Jon Ander Albisuk lehenengo Eskuz Banakako Txapelketako partidu aparta jokatu du arratsalde honetan Ezkaraiko pilotalekuan.

Lehiaketa handienean bi pilotari debutanteek maila ederra eman dute gogortasuna eta pilotakada boteretsu asko izan dituen partiduan.
Albisu Merino II.a baino gehiago izan da piloteoan errioxarrak sotamanoz bere burua maiz defendatu behar izan duelarik. Bolada asko suertatu da neurketan, eta horren seinalea hasieran gertatu dena da, hots, 0-6tik 9-6rartekoa hain zuzen ere.
21na markadorean zela Asegarceko pilotariak dejada bat bota du baina txaparen azpian joan da eta horrek eman dio garaipena David Merinori.

Aipatu behar da, Aspeko pilotariaren bi pilotak hautsi direla beraz, 18natik aurrera Albisuren pilotekin soilik jokatu behar izan dute.
Merino II.ak Olaizola II.ari aurre egin beharko dio final zortzirenetan.