Berasaluze II.ak pilota profesionala jokatzeari agur esan zion

2019/09/05

Pablo Berasaluzek Bizkaia frontoian 2.600 pertsonen aurrean, bere 1.012. partidan, pilota profesionala utzi zuen Urrutikoetxea bikotekide izanda, Olaizola II.a eta Larunbe 22-17 irabaziz.
Berrizko pilotariak 19 urte betetzear emandako ibilbidea bukaturik agur esan zion pilota profesionalari, Asegarceko teknikoen taldean sartzeko.
Enpresak proposatutako ideia izan zen eta Pablok, Asegarceko pilotari gazteei irakaste-lan ederraren aurrean, baietz esan zuen une bat ere ez pentsatu gabe.

Prentsaurrekoan esan zuenez “ Ikaragarria izan da, agur hoberik egiterik ez dago”
Partida amaituta hasi zen omenaldia, ustekabean Ibai Zabala pilotariak aurresku bat Pablo-ri eskainita.
Ondoren makina bat opari jaso zuen; ilobek, Bizkaiko pilota federakuntzak, La Navarrak, Euskaltelek eta Asegarce berak emanda.
Enpresaren partetik, presidentea zen Pedro García eta Karlos Argiñano ziren detaile luzatu zioten ordezkariak.
Talde hori Bizkaiko Foru Ahaldun Nagusia zen Unai Rementeriak itxi zuen.

Ekitaldi hunkigarri honetan, frontoian dagoen Bizkaiko pilotari historikoen argazki galerian Berrizko irudi bat zinzilikatu zen. Iñigo Urkullu Lehendakaria eta Rementeria berarekin batera egin zuen Pablok.