CaixaBank Masterseko finalerako sailkatu dira Artola-Rezusta (11-22)

2020/09/28

Gipuzkoarrek pronostikoak bete dituzte Logroñoko Adarragan jokatutako lehen finalerdian Bengoetxea VI-Martijari 11-22 irabazita. 
Artola-Rezusta faborito moduan iritsi dira gaurko norgehiagokara sailkapen fase bikaina egin ondoren. 
Eta hala ekin diote partidari 0-3 aurreratuta. Nafarrek aldeari eustea lortu dute hasieran baina 4-5etik 4-13ra salto egin dute Artolak eta Rezustak zortzi tanto jarraian eginda. Hortik aurrera urdinek erraz jokatu dute eta 11-22ko emaitzarekin borobildu dute partida igandeko Bilboko finalerako txartela eskuratuz. 
Beste finalerdia ostiralean jokatuko dute Olaizola II-Zabaletak eta Altuna III-Imazek toki berean eta ordu berean, Logroñoko Adarragan, 19:15etik aurrera.

Emaitza: Bengoetxea VI-Martija 11-22 Artola-Rezusta
Partidaren iraupena: 57 minutu
Pilotakadak: 483
Gorriek (Bengoetxea VI-Martija): 7 tanto egin dituzte eta 11 galdu
Urdinek (Artola-Rezusta): 11 tanto egin dituzte eta 4 galdu
Lehenengo partida: Dario-Ruiz 17-18 Zabala-Urretabizkaia II 

Hirugarren partida: Egiguren V-Tolosa 13-18 Salaberria-O.Etxebarria