Asteazkenean material aukeraketa egingo dute Bilbon larunbateko Binakako Txapelketako finalaurrekoari begira

2020/09/30

Jaka-Zabaletak eta Agirre-Albisuk, larunbatean, Bizkaia Frontoian, jokatuko duten 2020ko Binakako Txapelketako finalaurrekorako materiala aukeratuko dute bihar Bilboko pilotalekuan goizeko 11:00tan.

Bi bikoteek euren lehen garaipena lortu nahiko dute finalerdietako fase honetan, martxoan, osasun krisia dela eta geldialdia egin baino lehen, aurreneko norgehiagokan galdu ondoren.

Igandean, Olaizola II-Zabaleta eta Ezkurdia-Martija bikoteak bigarren garaipena lortzen saiatuko dira Eibarko Astelena pilotalekuan 17:00etatik aurrera. Norgehiagoka honetarako materiala erabakita geratu zen martxoaren 12an eta, beraz, ez da beste aukeraketarik egingo.