Binakako Txapelketako finalerdietako ligaxka bukatu da

2020/10/12

Atzoko Beotibarko partidak amaiera eman zien martxoan hasi eta osasun krisiak eragindako geldialdiaren ondorioz, urrian amaitu diren finalaurreei.

Partidari berdintsu ekin zioten bi bikoteek eta horren erakusle dira hasierako hiru berdinketak, 2-2, 3-3, 4-4.

Hortik aurrera ordea, Elezkano II-Zabaletak beste zazpi tanto egin zituzten jarraian eta partida bideratuta utzi zuten.

Azkenean, 14-22 menderatu zituzten dagoeneko finalerako sailkatuta dauden Olaizola II-Urrutikoetxea.

Emaitza: Olaizola II-Urrutikoetxea 14-22 Elezkano II-Zabaleta
Partidaren iraupena: 54 minutu
Pilotakadak: 465
Berdinketak: 2-2, 3-3, 4-4
Gorriek (Olaizola II-Urrutikoetxea): 7 tanto egin dituzte eta 13 galdu
Urdinek (Elezkano II-Zabaleta): 9 tanto egin dituzte eta 7 galdu
Lehenengo partida: Irribarria-Erostarbe 22-14 Elordi-Ladis Galarza