Eusko Label 4 ½ txapelketa aurkeztu dute gaur goizean Bilbon

2020/12/01

• Txapelketa asteburu honetan hasiko da eta abenduaren 27an Bizkaia Frontoian jokatuko den finalarekin bukatuko da

• Ezkurdia, Jaka, Altuna III.a eta Urrutikoetxea izango dira talde-buruak

Gaurko aurkezpenean eman dute ezagutzera Eusko Label 4 ½ txapelketa irabazten saiatuko diren 12 pilotarien zerrenda. Baiko Pilotako sei ordezkari eta Aspeko beste sei ahaleginduko dira abenduak 27ko finalean txapela janzten.

Asteburu honetan emango zaie hasiera final-zortzirenetako partidei. Larunbatean Artola-Peña II.ak estreinatuko dute lehiaketa Azkoitian eta jarraian Elezkano II-Zubizarreta III.a kantxaratuko dira.

Igandean berriz, Eibarren, Agirre-P.Etxeberriak jokatu dute lehenik eta behin eta gero Bengoetxea VI-Irribarria saiatuko dira hurrengo fasera sailkatzen.

Asteburuko garaileak Ezkurdia, Jaka, Altuna III.a eta Urrutikoetxea izango dituzte zain final-laurdenetan.