Binakako finalerdirako materiala aukeratu dute Bizkaia Frontoian
2020/12/02
Agirre-Albisuk eta Ezkurdia-Martijak ostiralean jokatuko duten Eskuz Binakako Txapelketako finalerdirako materiala aukeratu dute gaur goizean Bilbon.
Baikoko bikoteak 104,5 g (4), 104,7 g (5) eta 104 (6) gramoko hiru pilota aukeratu ditu. Aspekoek nahiago izan dituzte 104,3 g (1), 105,2 g (2) eta 105,5 gramokoak (3). Lau pilotariak konforme azaldu dira saskian aurkitu duten materialarekin.
Bilboko pilota jaialdia gaueko 22:15ean hasiko da ostiralean Elordi-Bikuña eta Alberdi-Larunberen arteko partidarekin. Eta honen ondoren, Binakako Txapelketako finalerako txartela lortzen saiatuko dira Agirre-Albisu batetik eta Ezkurdia-Martija bestetik.
