Iñaki Artolak Buruz Buruko finala ez jokatzeko erabakia hartu du

2021/06/16

Azken unera arte ahalegindu bada ere, Alegiako aurrelariak erabaki du, ez dagoela igande honetan Buruz Buruko finala jokatzeko moduan.

Artolak lesio muskularra izan zuen dortsal zabalean eskuin sorbaldaren atzealdean eta hori dela eta finala aste bat atzeratzea eskatu zuen, araudiak hala baimenduta.

Lesioa gainditu nahian, Baikoko pilotariak fisioterapia eta tratamendu mediku ezberdinak jaso ditu egun hauetan, baina erabakia gehiago atzeratzeko aukerarik gabe, gaur eguerdian, Iñaki Artolak Buruz Buruko finala ez jokatzeko erabakia hartu du.

Hala ere, kazetariei egindako adierazpenetan “guzti honetatik indartuta aterako naiz” adierazi du Artolak.