Joma Esku Pilota Enpresen Ligako hornitzaile teknikoa izango da

2025/09/19

Baikok eta Aspek Joma kirol marka jantziko dute. Honekin kirol dibertsifikazioaren eta errendimendu altuaren aldeko apustua indartu du markak.

Jomak eta Esku Pilota Enpresen Ligak akordio bat lortu dute marka hornitzaile tekniko ofizial berria izateko. Lankidetza horri esker, Jomak ekipamendua emango dio talde teknikoari, kalitate goreneko kirol materialaren garapenean duen esperientzia eskainiz. Esku Pilota Enpresen Ligako bi enpresa profesionalekin elkartzen da Joma.

Akordio honekin, Jomak Esku Pilota Enpresen Ligaren zerbitzura jartzen du ehungintzako diseinuan eta teknologian berritzeko duen gaitasuna, kirolariei erosotasuna, erresistentzia eta errendimendu handia bermatuz. Joma 140 herrialde baino gehiagoko merkatuan dago gaur egun, eta aliantza hori beste urrats bat da bere hedapen eta dibertsifikazio estrategian, kirol emergenteak, globalak eta tradizionalak integratuz.

Denboraldi honetako 4 1/2ko txapeldunak, Unai Lasok, Buruz Buruko txapeldunak, Jokin Altunak, eta Jon Mariezkurrenak eta Jose Javier Zabaletak Jomak diseinatutako ekipamendu berria probatzeko aukera izan dute.