2025eko Binakako Txapelketan parte hartuko duten atzelariak iragarri ditu Baikok

2024/11/19

Albisu, Imaz, Iztueta eta Mariezkurrena II dira Baikok aukeratu dituen lau atzelariak laster hasiko den Binakako Txapelketaren edizio berrirako.

Azaroaren 29an Beasainen hasiko den Binakako Txapelketan ordezkatuko duten lau atzelariak ezagutzera eman ditu Baikok.

Aukeratutako atzelariak Albisu, Imaz, Iztueta eta Mariezkurrena II dira. Datozen egunetan jakinaraziko da zein izango diren lau atzelari horiekin batera arituko diren aurrelariak, eta lau bikoteen osaera txapelketaren aurkezpen ekitaldian jakinaraziko da.

2025eko Binakako Txapelketa azaroaren 29an hasiko da

Binakako Txapelketa azaroaren 29an, ostiralean, hasiko da, eta lehenengo jardunaldia Beasainen (11/29), Lizarran (11/30), Eibarren (11/30) eta Basaurin (12/1) jokatuko da.