NAGORE, NAFARROAKO LAU T’ERDIKO TXAPELDUNA

2012/01/31

Jorge Nagorek lau eta erdian maisua zela erakustsi zuen Iruñako Labriten Nafarroako Lau eta Erdiko lehenengo txapelketako finalean, Patxi Eugiri 22-7 irabaziz.

Tantoen erdiak sakez egin zituen Nagorek eta argi eta garbi nagusitu zitzaion Eugiri. Agoiztarrak partiduaren lehenengo bi tantoak egin zituen baina hurrengo hamalauak Nagorerenak izan ziren. Irurtzungo aurrelariaren pilotakada indartsuak errestatzeko ezinean ibili zen Eugi, eta gero eta urduriagoa agertzen zen kantxan. Zorteak ere ez zuen Eugi gehiegi lagundu eta zazpigarren tantora besterik ezin izan zuen ailegatu.
Agoizkoa partidan ezin izan zen sartu eta norgehiagoka amaituta egindako adierazpenetan pilotak gehiegizkoak zirela salatu zuen oso haserre.

Finalean 146 pilotakada eman ziren 37 minutuetan.