ELEZKANO II.AREN DEBUTAK ZABALDUKO DU ASTE NAGUSIA TORNEOA

2015/03/17

Aste Nagusia pilota torneoak, hasiera berezia izango du datorren larunbatean, hilak 18, Danel Elezkanok, Elezkano II.a, pilotari bizkaitarrak egingo duen debutarekin. Ibai Zabalak lagundurik, Aspeko bikotea osatzen duten Ezkurdia eta Peñagarikanori aurre egingo die feriako lehenengo partidan.
Zaratamo-ko (Bizkaia) aurrelariak, Ruben Beloki eta Jose Angel Balanzaren begiradapean entrenatu da eta bere ibilbidea ikusita, kirol zuzendaritzak Bilboko torneoan profesionaletara jauzteko une egokia dela erabaki du.
Danel, pilotari zentratua eta serioa da jokatzerako orduan. Ezker esku bortitza du eta oso bolea indartsuaren jabea da” dio Huercanoseko teknikoak.
Pilotari gazteak -18 urte baino ez ditu-, hainbat titulu dauka, beste batzuen artean: 2011ko Euskadiko Binaka gazte mailan, 2011ko El Diario Vasco-Bankoa etorkizun oparoa duten pilotarien mailan eta 2011ko buruz buruko Baque torneoa gazte mailan.