BERASALUZE VIII.A ETA ZEARRA JAUN ETA JABE AMOREBIETA-ETXANOKO KARMENETAN

2019-03-22

Berasaluze eta Zearrak osotutako bikote bizkaitarrak etxekoen aurrean arrakasta handia lortu dute Olaizola II.a eta Errastiri 22-12 irabaziz.
Oier Zearrak partidu bikaina burtutu du Olaizola II.aren armarik onena bertan behera utziz, hots, aireko jokaldiak.
Aimarrek ezer gutxi egin ahal izan du Galdakaotarrak erakutsi duen goiko kolpe eta defentsako lanaren aurrean.
Berasaluze VIII.a aldiz, primeran aritu da erremate lanetan eta Errastik atzean erakutsi duen joku maila baxuak lana erraztu dio Berriztarrari. Aimarren gainetik pasatu da Pablo.
Errastik ez du bere maila eman eta ezin izan dio Pablori airea kendu.
Erabat bete da Amorebieta IV.a pilotalekua.